Hampilig úrslit til Danish Open

Føroysku svimjararnir svumu seg ikki í nakra A-finalu, men einstøk góð úrslit vóru kortini til Danish Open, sum hevur verið síðstu dagarnar.

Elisabeth Erlendsdóttir átti besta avrikið, skrivar svimjing.com. Við tíðini 29.94 í 50 metra ryggsvimjing fekk hon 731 FINA stig, sum eisini var undir gullnálakravtíð.

Lea Osberg Højsted setti føroyskt met og juniormet, tá ið hon í 50 metra bringusvimjing svam seg til úrslitið 34.01 og 639 FINA stig.

Besta úrslitið hjá monnum átti Líggjas Joensen, tá ið hann í 400 frí svam seg til úrslitið 4:08.06 og 698 FINA stig. Hetta var undir kravtíðina til evropameistaraheitini fyri U23-aldursbólkin.

 - Danir eru snøgt sagt runnir frá okkum her; men er tað tá gott at síggja, at okkara tó so svumu upp til og betri enn sítt til nú besta, tekur svimjing.com saman um.