Nora vann altjóða kapping

Pinkuliðið Nora hjá Havnar Fimleikafelag vann í gjár altjóða kappingina Eastercup í teirra bólki í estetiskum fimleiki, sum varð hildin í danska býnum Greve um vikuskiftið.

Eftir innleiðandi kappingina fríggjadagin lá Nora trygt á fyrstaplássinum og tað sama í gjár. Hetta gjørdist nóg mikið til eitt sannførandi fyrstapláss, skrivar Havnar Fimleikarfelag.

Eisini tvey av trimum liðum hjá Ljósinum vunnu tvey heiðursmerki í Eastercup-kappingini.

Kvinnur Lyra vunnu teirra bólk, og smágentur Norma vunnu annað plássið í teirra bólki, skrivar Ljósið.