Fjórða sesongin í røðini True Detective kemur út á HBO Max seinni í ár. Tá er føroyingurin Marita Dalsgaard við.

Á Facebook síðu sínari skrivar Marita soleiðis:

"Trúgvi hon, ið trúgva vil, men eg havi altso spælt saman við Jodie Foster, so um tey ikki hava klipt meg heilt út, so daga vit undan kavarokinum einaferð í heyst. At hava skift replikkir við Jodie, hvat meira kann ein sjónleikarinna ynskja sær?"

Marita Dalsgaard greiðir frá, at tað var ein stór og stuttlig uppliving. Hon var í Íslandi í 10 dagar, har upptøkurnar vóru, og framleiðslan var sera professionell.

Hon fær ikki sagt so nógv um leiklutin hjá sær, og hon veit heldur ikki sjálv, hvussu nógv av tí verður við, tá ið røðin kemur út.