58 prosent av SEV-orkuni kom frá varandi orkukeldum

58 prosent av orkuni, sum SEV framleidd í fyrsta ársfjóringi í ár, 

Tað skrivar SEV á heimasíðuni í dag.

Tó tarnaði kalda veðrið í mars serliga vatnorkuframleiðsluni.

Vatnorkan var ein lítil triðingur av samlaðu orkuframleiðsluni, meðan 26 prosent komu frá vindorku.

Hetta er munandi meira samanborið við fyrsta ársfjóring í fjør.

SEV, vatnorka

Vindmyllulundir muna væl

Tað eru tær báðar nýggju vindmyllulundirnar í Suðurstreymoy sum gera, at vindorkan er vaksin so lutfalsliga nógv, samanborið við fyrsta árfjóring í fjør, skrivar SEV.

30 gigawatt-tímar komu frá vindorku fyrsta ársfjóring, samanborið við slakar 16 gigwatt-tímar sama tíðarskeið í fjør.

Vit hava eisini brúkt meira streym í fyrsta ársfjóringi í ár enn í fjør.

Eftirspurningurin er øktur við sløkum 10 prosentum.

vindmyllur, SEV