Nú eru 54.300 fólk í Føroyum

608 fólk løgdust aftrat seinasta árið, og 1. mars búðu 54.303 fólk í Føroyum, vísa tøl hjá Hagstovuni.

Vøksturin er 1,1 prosent.

Seinasta árið hevur fólkavøksturin verið heldur lakari enn undanfarin ár, tí burðaravlopið er minkað.

Burðaravlopið, sum er munur millum fødd og deyð, var 143 fólk, og nettotilflytingin var 465 fólk.

Fólkatalið vaks í 19 av teimum 29 kommununum. Størsti vøksturin var í Tórshavnar kommunu, Runavíkar kommunu og Klaksvíkar kommunu.

Størsta minkingin í fólkatalinum var í Hvalbiar og Sumbiar kommunu.

Fólkavøkstur hevur verið øll seinastu níggju árini.

Fólkatal