Á Breddanum: Russisk skip í Føroyum og lønarsamráðingar

Eitt russiskt fiskiskip, sum er undir illgruna fyri at fremja njósnaravirksemi, liggur hesi løtu við bryggju í Havn.

Talan er um trolaran, Lira.

Trolarin kom á Havnina mánadagin, júst sum Høgni Hoydal, landsstýrismaður í uttanríkismálum, og Troels Lund Poulsen, danski verjumálaráðin, sótu á fundi í Tinganesi fáar metrar burturi.

Og tað eru fleiri russisk fiskiskip, sum eftir øllum at døma fremja njósnaravirksemi í norskum øki. Tað er niðurstøðan í nýggjari heimildarsending, sum stóru norðurlendsku sjónvarpsstøðirnar, DR, NRK, SVT og YLE hava gjørt í felag.

Á Breddanum í dag spyrja vit, hvat føroyskir myndugleikar gera við hesa nýggju vitanina.

Seinni í sendingini seta vit stjóranum á Lønardeildini í Fíggjarmálaráðnum stevnu á degnum, har Sjúkrarøktarfrøðingafelag Føroya fer til samráðingarborðið.

Breddin í útvarpinum klokkan 10.