Løgreglan skal handtaka ákærdan mann

Aftur hesa ferð kom tann eini ákærdi ikki í rættin, so málið er aftur útsett. 

Málið móti fýra ungum fólkum, tveimum kvinnum og tveimum monnum, sum eru ákærd fyri rán við at brúka harðskap, helt fram í Føroya mánadagin. 

Týsdagurin var eisini settur av, men málið er úsett eins og í februar, tá tað eisini var í Føroya rætti.

Skal handtakast

Orsøkin er, at tann eini ákærdi maðurin kemur ikki í rættin. Hann skuldi handtakast sunnudagin, men tá var hann í Danmark.

Rætturin hevur nú givið boð um, at maðurin verður handtikin. Og so verður rættarfundur ásettur.

Ikki ber til at geva fráverudóm í hesum førinum, tí kravið hjá ákæruvaldinum er minst eitt árs fongsul.

Nokta seg sek

Fólkini, sum eru fødd ávikavist í 1998, 2001 og 2004, nokta seg sek.

Fólkini eru ákærd fyri við harðskapi at noyða ein mann at flyta sær pengar.

Hendingin var á einum gistingarhúsi í Havn í apríl 2021.

Ákærin fer at krevja treytaleysa fongsulsrevsing.