Dokkingin av Teistanum útsett

Nú boða Strandfaraskip landsins frá, at Teistin fer á beding 1.mai.

Hann skuldi upprunaliga fara á beding í gjár.

Men Hasfjord hevur umfatandi maskinskaða. Bíðað verður tí eftir, at hann er umvældur.

Fólk úr Skotlandi eru á veg til Føroya at umvæla brekið.

Hasfjord, Strandferðslan, Gamlarætt, skip, bátar, farmur, ferðafólk, lastbilar, trailarar

Hasfjord hevur maskinskaða, og fólk úr Skotlandi eru á veg at umvæla brekið. (Mynd: Bjarni Árting Rubeksen)

Tekur tríggjar vikur

Væntandi verður Hasfjord tøkur aftur, tá Teistin fer á beding, sigur Strandferðslan.

Hon væntar, at Teistin verður á beding í okkurt um tríggjar vikur.

Ætlanin var, at Ternan skuldi til árligt eftirlit, so skjótt sum Teistin kom av beding aftur. 

Men hetta er nú flutt til seinni í ár, helst til seinast í august.