Taka saman um samráðingarnar í næstu viku

Nakrir dagar ganga enn, áðrenn Semingsstovnurin fer at taka saman um í sáttmálatrætuni millum Flogskiparafelagið og Føroya arbeiðsgevarafelag.

Samráðingarnar millum flogskiparar og arbeiðsgevarafelagið, sum Atlantic Airways er í, slitnaðu fyri páskir, og Semingsstovnurin var boðsendur.

Semingsroyndin byrjaði týsmorgunin í síðstu viku.

Fyri einari viku síðani settu partarnir ein arbeiðsbólk, sum skal arbeiða við at loysa nakrar knútar, sum ósemja er um.

Terje Sigurðsson

Terje Sigurðsson, semingsmaður.

Semingsuppskot klárt

Semingsstovnurin hevur annars eitt semingsuppskot liggjandi.

Men ikki er vist, at brúk verður fyri tí, sigur Terji Sigurðsson, semingsmaður.

Hann sigur, at enn ganga nakrir dagar, til Semingsstovnurin tekur saman um. Tað verður helst eina ferð í næstu viku, sigur hann.

Sáttmálin hjá flogskiparunum, sum var, kom í 2019. Hann vardi til 1.apríl í ár.