Føroyar skulu hava aðra farsóttarætlan enn Danmark

Føroyar eru eitt oyggjasamfelag og skulu tí ikki hava somu farsóttarætlan sum Danmark.

Tað sigur stjórin í danska heilsustýrinum, Søren Brostrøm, sum seinastu tveir dagarnar hevur verið gestur hjá Heilsumálaráðnum og Fólkaheilsustýrinum.

Søren Brostrøm og Mrgit Stórá

Margit Stórá, landstýriskvinna í heilsumálum, og Søren Brostrøm, stjóri í danska heilsustýrinum. 

Farsóttarøkið kemur á føroyskar hendur 1. januar.

Hoyr innslag í útvarpstíðindunum: 

Søren Brostrøm boðaði fyrr í hesum mánaðinum frá, at hann leggur frá sær sum stjóri í danska Heilsustýrinum í oktober í ár. Hann hevur tá sitið í starvinum í átta ár.

Seinastu tvey árini hevur hann eisini sitið í nevndini hjá altjóða heimsheilsustovninum, WHO.