Innlánsyvirskotið slakar tvær milliardir

Innlánsyvirskotið í føroysku peningastovnunum var 1,8 mia. kr. í februar 2023.

Tað sigur Landsbankin.

Innlánini vóru 20,9 milliardir og útlánini 19,1 milliardir.

Innlánsyvirskotið minkaði nógv í 2021, tí BankNordik seldi sína deild í Danmark.

Men síðani eru innlánini vaksin.

Serliga fiskivinnan og alivinnan hava sett pengar í føroysku peningastovnarnar síðani á vári 2022.

BankNordik, Trygd

Føroysku húsarhaldini hava økt um sína lántøku í føroysku peningastovnunum 569 mió. kr. í tíðarskeiðinum februar 2022 til februar 2023. (Savnsmynd)

Útlánini vaksin fimm prosent

Útlánini í føroysku peningastovnunum eru vaksin fimm prosent frá sumri 2022 til februar í ár.

Útlánsvøksturin stavar frá útlánum til privatar fyritøkur og húsarhald, sigur Landsbankin. 

Samstundis er vøksturin í útlánum frá donskum realkredittstovnum til føroysku húsarhaldini minkaður, kanska tí, at húsarhaldini, tí lutfalsliga er stór rentuhækking á fastrentaðum realkredittlánum, heldur velja at læna í føroysku peningastovnunum, sigur Landsbankin.

Fíggingin til privatu vinnuna var 455 mió. kr. størri í februar 2023 enn í februar í fjør.

Føroysku húsarhaldini hava økt um sína lántøku í føroysku peningastovnunum 569 mió. kr. í tíðarskeiðinum februar 2022 til februar 2023. 

Samstundis er lántøkan hjá føroysku húsarhaldunum í donsku realkredittstovnum bara økt fimm milliónir.