Hestur og Koltur vera ikki longur valstøð

Hestur skal ikki vera valstað longur.

Tað ætlar Tórshavnar kommuna.

Býráðið skal í dag taka støðu til eitt tilmæli frá kommunustjóranum og fíggjarnevndini um at heita á Løgmálaráðið at leggja niður Hest og Koltur sum valstað.

Veljarar í Hesti og Koltri skulu velja á Hálsi í Havn.

15 valdu á løgtingsvalinum

Samstundis bindur Tórshavnar kommuna seg til at fara í Hest tvær ferðir fyri hvørt val og geva veljarum har møguleika at brævatkvøða.

Hestur er í dag valstað. Veljarar í Hesti og Koltri velja í Hesti. Á løgtingsvalinum í fjør høvdu 17 veljarar valrætt, og 15 atkvøddu.

Staðbundna nevndin í Hesti tekur undir við, at brævatkvøtt verður í Hesti.

Í løtuni er eingin skrásettur at búgva í Koltri.