SÍ vann fyrstu FM-finaluna

SÍ hevði flutt heimavøllin til Kollafjarðar, men tær spældu akkurát líka væl sum í Sørvági, tá tær vunnu í trimum settum á Fleyr í fyrru FM-finaluni flogbólti.

Slagstyrkin var avgerandi, tá settini skuldu avgerast, og serliga Svitlana Shvanska, sum var ivasom undan dystinum, var stóri munurin á liðunum, skrivar Flogbóltssamband Føroyar.

SÍ er nú á odda 1-0 í finaluumfarinum, og um tær vinna aftur, tá stóri finaludagurin verður leygardagin, gerast tær føroyameistarar. Um Fleyr vinnur dystin leygardagin, skal meistaraheitið avgerðast við einum gullsetti upp í 15 aftaná dystin.

Seinna finalan millum SÍ og Fleyr verður leygardagin kl. 14.00 í høllini á Hálsi, meðan fyrra finalan hjá monnunum millum Mjølnir og Fleyr verður í Klaksvík í kvøld kl. 19.