Livialdurin hækkar ikki so nógv longur

Livialdurin er hækkaður hvørt ár, men nú er stígur komin í, sigur Hagstovan.

Livialdurin hjá monnum í Føroyum er 81,3 ár í miðal, hjá kvinnum er hann 85,4 ár.

Munurin millum kvinnur og menn er minkaður úr sjey árum í 1985 og 86 niður í fýra ár.

Liktinstein á odda

Føroyar eru millum londini í Evropa, sum hava hægsta livialdur. 

Hjá mannfólki er longsti livialdurin í Liktinstein, 82,5 árum. Síðani koma Ísland, Sveis, Noreg og so Føroyar á fimta plássi. 

Stytsti livialdurin hjá mannfólki er í Russlandi og Moldova, 66 ár. Hjá konufólki er longsti livialdurin í San Marino, 86,5 ár.

Síðani koma Spania, Sveis, Frankaríki, og Føroyar eru á sætta plássi.  

Stytsti livialdurin hjá konufólki er í Moldova og Bulgaria, 75 ár.

Livialdur