Másakaiin longd

Kaiin í Hvannasundi, vanliga nevnd Másakaiin, verður nú dagførd og longd.

Tað skrivar Hvannasunds kommuna á heimasíðu síni.

Hvannasunds havn hevur gjørt avtalu við Articon um at gera kaiina av nýggjum og longja hana 40 metrar.

Kaiin verður gjørd við spunsjørnum, grótfyllu og stoyptum dekki, og norðara síða verður nakað lægri enn syðra síða.

Másakaiin verður útgjørd við allari vanligari útgerð, so sum ljósum, pullartum, stigum og kantstokkum, og eisini verða streymtorn uppsett.