Eldrasamstarv dýrkar

Tað kostaði í fjør 91,5 milliónir krónur at reka økistænastuni við Skálafjørðin, Roðan. Tað eru smáar fýra milliónir meira enn árið fyri.

Tað vísir ársroknskapurin hjá Roðanum, sum í hesum døgum er til ummælis hjá Runavíkar kommunu, Nes kommunu og Sjóvar kommunu, sum eru saman um Roðan.

Roðin rekur millum annað Vesturskin á Toftum, Sjóvarlon á Strondum, Dagtilhaldið á Skála og Røktar- og Ellisheiminum í Runavík, og harumframt eigur Roðin bygningin, sum fyrr var Vistarheimið á Mýrunum.