Berjabrekka 3 í søguna

Tórshavnar kommuna fekk góðar 1,8 milliónir krónur aftur, nú sjálvsognarstovnurin Berjabrekka 3 er niðurlagdur. Tórshavnar kommuna og Íbúðargrunnurin hjá Húsalánsgrunninum stovnaðu sjálvsognarstovnin Berjabrekku 3 í 2000.

Fyrst í apríl í ár samtykti nevndin at leggja niður sjálvsognarstovnin og rinda stovnarunum pengarnar aftur. Berjabrekka 3 skuldi gera 60 leiguíbúðir millum Berjabrekku og Blómubrekku til fólk við serligum tørvi.

Men vantandi lóggáva, sum skuldi gera slíka bygging lættari og bíligari, gjørdi, at ætlanin ongantíð varð framd í verki.