Mál um blygdanarskemd í rættinum

Føroya rættur viðger í dag og í morgin eitt mál um annað kynsligt samband enn samlegu við fólk, sum er yngri enn 18 ár, og blygdanarskemd.

Ein 30 gamal maður, sum var starvsfólk á einum eftirskúla, er ákærdur fyri at gera seg inn á ein næming.

Hetta skal hava verið í februar í fjør, sambært ákæruritinum.

Maðurin noktar seg sekan.

Tveir dagar eru settir av til málið, tí ákærdi maðurin er útlendingur og tí skal alt, sum sagt verður í rættinum, umsetast.

Fýra vitni eru.