Russland og Kina njósnast móti Føroyum

Føroyar eru mál fyri kinesiska og russiska njósning. 

Tað staðfestir danska fregnartænastan, PET, í nýggjastu metingini um váðan fyri njósning móti danska kongsríkinum, har ein kapittul er um Føroyar og Grønland. 

Hóttanin er vend móti myndugleikunum og teimum, sum taka avgerðir, serliga tinglimum, landsstýrisfólkum og embætisfólkum. 

Michael Boolsen, fúti, vil ikki fara í smálutir um, hvat frágreiðingin byggir á, men staðfestir, at tá PET skrivar, at ein vandi er fyri njósning móti politiskum lyklapersónum, so byggir tað á upplýsingar, sum PET hevur útvegað.