Lata fyrsta skotið av í bergholinum mánadagin

Innkomuvegurin til Havnar og bergholið millum Sundsvegin og Marknagil verða mett at kosta tilsamans 324 milliónir

Tá Tórshavnar kommuna og Articon skrivaðu undir sáttmálan um innkomuvegin 21. desmber í fjør. Frá vinstru Tróndur Sigurðsson, formaður í byggi- og býarskipanarnevndini, Heðin Mortensen, borgarstjóri, og Jón Sigurdsson, stjóri í Articon.

Mynd: Tórshavnar kommuna

Sigrún H. Brend

04.05.2023 - 13:52

Mánadagin verður fyrsta skotið latið av fyri bergholi millum Sundsvegin og Marknagil í Havn.

Alment hátíðarhaldið byrjar fyrrapartin, tá ið umboð fyri Tórshavnar kommunu og landið saman lata fyrsta skotið av fyri nýggja bergholinum, skrivar in.fo.

Bergholið verður 2,2 kilometrar langt, og er partur av nýggja innkomuvegnum.

Byggifelagið Articon ger arbeiðið.

Beint fyri jól skrivaði Tórshavnar kommuna undir sáttmála við Articon um heildararbeiðstøku, sum fevnir um vegastrekkið millum rundkoyringina á Hvitanesi og Marknagilsvegin og tunnil undir Húsareyni fyri tilsamans 324 milliónir kr.

Hoyr samrøðu við Trónd Sigurðsson, formann í byggi- og býarskipanarnevndini í Tórshavnar kommunu, í útvarpstíðindunum:

04052023_Berghol_i_Havn