Norski tjóðbankin hækkar aftur rentuna

Norski tjóðbankin hækkar leiðandi rentuna 0,25 prosentstig, upp í 3,25 prosent. 

Tað boðaði bankin frá fyrrapartin.

Ikki síðani fíggjarkreppuna í 2008 hevur rentan verið á so høg.

Miðbankin sigur, at tørvur er á hægri rentu fyri at minka prísvøksturin, sum er oman fyri tvey prosent, ið er málið

Minni vøkstur, men nógv virksemi

- Vøksturin í norska búskapinum er minkaður, men nógv virksemi er framvegis. Arbeiðsmarknaðurin er undir trýsti, og lønarvøksturin verður helst størri enn í fjør, sigur tjóðbankin.

Bankin boðar samstundis frá, at leiðandi rentan fer helst at hækka upp í 3,5 prosent í juni.

Hvussu rentan verður eftir tað, veldst um búskaparligu gongdina.