Lyra vann FM í harðari kapping

Kvinnurnar hjá Ljósinum, Lyra, vunnu føroyameistaraheitið í estetiskum fimleiki í harðari kapping við Hulda Meliora úr Havnar Fimleikafelag.

Munurin á liðunum báðum var sera lítil, bert 0,13 stig. Lyra fekk tilsamans 45,88, meðan Hulda Meliora fekk 45,75, meðan hitt liðið hjá HF, Hulda, fekk 42,57 stig á triðja plássi.

Lyra var eisini frammanfyri eftir innleiðandi umfarið leygardagin, men munurin minkaði sunnudagin - tó ikki nóg mikið til at broyta úrslitið. 

Rósan hjá Støkk vann kappingina við kvinnuunglingum við 44,59 stigum. Bjalla úr HF fekk 43,55 stig.