Einki grundarlag fyri semingsuppskoti

Semingsstovnurin sendi í gjárkvøldið samráðingarfólkini hjá Skipara- og Navigatørfelagnum og Reiðarafelagnum til hús at umhugsa støðuna.

Eftir at hava roynt í tvey samdøgur var einki grundarlag fyri at gera eitt semingsuppskot, sigur Terje Sigurðsson, semingsmaður.

Semingsstovnurin hevur boðsent pørtunum mánadagin. 

Semingsroyndin er í Sjómansheiminum í Klaksvík.Semingsstovnurin var boðsendur í síðstu viku.

Ikki longdur aftur

Sáttmálin millum Skipara- og Navigatørfelagið og Reiðarafelagið vardi til 1.apríl.

Sáttmálin var longdur til á midnátt mikudagin 10.mai. Hann er ikki longdur aftur.

Man sum vant verður gamli sáttmálin galdandi, so leingi Semingsstovnurin er uppí og samráðingarnar ikki slitna. 

Samráðingarnar byrjaðu 12.apríl. 3.mai sendi Skipara- og Navigatørfelagið boð eftir Semingsstovninum.