Samráðast við fýra feløg hesa vikuna

Sáttmálasamráðingarnar á almenna arbeiðsmarknaðinum halda fram.

Lønardeildin í Fíggjarmálaráðnum skal hesa vikuna hitta felagið hjá sjúkrarøktarfrøðingunum, Lærarafelagið, Maskinmeistarar og Heilsurøktarafelagið.

Í morgin fara sjúkrarøktarfrøðingarnir til samráðingarborðið. 

Hetta er triði fundur millum partarnar. 

Hava ynski um broytingar

- Vit hava lagt fram ynski um broytingar, og hava útgreinað ymisk viðurskifti, so vit vita, hvat vit tosa um, sigur Óluva í Gong, forkvinna fyri sjúkrarøktarfrøðingar, í stuttari viðmerking við útvarpið.

Sáttmálarnir hjá feløgunum fóru úr gildi 1.okboter, og enn eru nýggir sáttmálar ikki gjørdir

Krøvini vóru latin 20.oktober.

Ruth Vang, landsstýriskvinna, hevur longu sagt, at karmurin verður 3,86 prosent í ár og 4,04 prosent næsta ár.