Støkk fekk mest á fimleikagalla

Støkk fekk mest á fimleikagalla
Føroyskur fimleikur lat heiðrar til síni bestu á gallaveitslu um vikuskiftið, og Støkk úr Runavík fekk meir enn helmingin av heiðurslønunum
Rósan úr Støkk fekk heiðurin "ársins lið" á fimleikagallaveitslu um vikuskiftið
Mynd: Føroya Fimleikasamband  
 
11.06.2023 - 14:13

Føroyska fimleikaárið endaði um vikuskiftið við gallaveitslu, har tey bestu vórðu heiðrað. Støkk úr Runavík skaraði framúr.

Ársins amboðsfimleikarar vórðu Vilhelm Seyer úr Ljósinum og Astrið Nanly Breckmann úr Havnar Fimleikafelag. Rúni Lamhauge gjørdist ársins venjari í amboðsfimleiki við monnum, meðan ársins venjaratoymi hjá kvinnunum vórðu Remi Christiansen, Sólgerð Joensen og Anna á Fløtti Anthoniussen úr Flog.

Í estetiskum fimleiki fingu Lea Sundberg Eliasen og Gertrud Tórdóttir heiðurin sum ársins venjaratoymi. Tær eru venjarar hjá smágentunum, Norma, úr Ljósinum.

Aleksandra Fríðudóttir úr fimleikafelagnum Støkk varð vald at vera ársins stjørnuskot, meðan heiðurin fyri ársins lið eisini endaði í Runavík. Tað vunnu kvinnuunglingarnir hjá Støkk, Rósan, sum eisini vunnu FM-heitið í estetiskum fimleiki.

Støkk fór avstað við nógvum. Gentuliðið, Svalan, hjá Støkk vann heiðurin fyri ársins seriu, og fimleikafelagið, sum heldur til í Bylgjuni, vann eisini "ársins heiður" fyri átakið "felagsliðið", sum leggur dent á at bøta um samanhaldið, trivnaðinog felagsliðið. Smágentuliðið, Luna, úr Støkk fingu heiðurin fyri ársins drakt, sum var ljósareyð, hóskaði til aldurin, rørslurnar og tónleikin.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF