Sleppa eisini at selja sterkt øl og rúsdrekka

Tey, sum gera øl og rúsdrekka, sleppa skjótt at selja løg, sum er sterkari enn 5,8 prosent á staðnum, har sum løgurin verður gjørdur.

Slík søla kann tó bara vera, tá gestir vitja. 

Tað er ein broyting í rúsdrekkalógini, sum er endurskoðað og dagførd.

Fyrst og fremst ferðafólk

Uppskotið er, at hendan sølan verður ikki loyvd frá øðrum sølubúðum, sum bryggjarin hevur, og sum ikki eru á framleiðslustaðnum. Broytingin stendur í samgonguskjalinum.

Tað vera fyrst og fremst útlendsk ferðafólk, sum fara at keypa rúsdrekka, tá tey vitja bryggjarí, stendur í viðmerkingunum um ætlaðu lógarbroytingina.

Hildið verður ikki, at hetta fer at hava við sær meira drekkarí í Føroyum.