Virki rinda tilsamans átta milliónir í kringvarpsgjaldi

1.523 virki gjalda góðar 8,13 milliónir krónur í kringvarpsgjaldi.

Størsta kringvarpsgjaldið hjá virkjum er 12.000 kr. 143 virki gjalda tað. 

Tað minsta er 2.000 kr., og tað gjalda 515 virki.

Tað sigur Sirið Stenberg, landsstýriskvinna.

Øssur Egholm, Kringvarp Føroya

Øssur Egholm við knøttarnar í útvarpinum. (Mynd: Bjarni Árting Rubeksen)

Gjaldið skal prístalsjavnast

Beinir Johannesen, løgtingsmaður, spurdi um kringvarpsgjaldið hjá virkjum.

Virki gjalda eftir, hvussu stórar lønarútreiðslurnar eru hjá teimum. 

Sirið Stenberg sigur, at hon ætlar, at kringvarpsgjaldið skal prístalsjavnast.

Hon sigur eisini, at hon veit ikki enn, hvussu nógv kringvarpsgjaldið fer at broytast fyri vinnuvirki.

Hon sigur, at hon fer at hava fund við samgonguna, andstøðuna og umsitingina um tað eftir summarfrítíðina.