538 fólk hava fingið 6,5 milliónir í hjálparískoyti

Higartil hava 538 fólk fingið hjálparískoyti frá landinum. Freistin av søkja um hjálparískoyti var fríggjadagin.

Tey 538 fólkini hava fingið slakar 6,5 mió kr útgoldið tilsamans.

Tað vera tó fleiri, sum fara at fáa hjálparískoyti.

Almannaverkið hevur 214 umsóknir liggjandi, sum enn ikki eru liðugt viðgjørdar, umframt 20 aðrar, sum eru liðugt viðgjørdar, men útgjaldið ikki farið fram enn.

Av teimum, sum ikki eru viðgjørdar, er ikki vist at allar lúka treytirnar, sigur Almannaverkið.

Hjálparískoytið er 12.000 kr.