Árinsmeting av nýggju dokkini á Skála

Umhvørvisárinsmeting um útbyggingina hjá MEST á Skála er nú til hoyringar.

MEST, sum ætlar at gera turrdokk norðan fyri verandi dokk á Skála, hevur gjørt umhvørvisárinsmetingina.

Nýggja dokkin verður 150 metrar long, 33 metrar breið og 12 metrar djúp á gáttini. 

Dýpið minkar inn og frameftir í dokkina, so tað innast er níggju metrar. 

Víddin er 4.300 fermetrar.

Vegur, partvís tunnil, verður gjørdur frá bryggjuøkinum niður í dokkina. 

Freistin at koma við viðmerkingum um árinsmetingina er seks vikur, tað er til 14.august.