Prísirnir hækka ikki so nógv sum teir hava gjørt

Prísvøksturin heldur fram, men nú hækka prísirnir ikki so skjótt, sum teir hava gjørt, skrivar Hagstovan.

Brúkaraprístalið er vaksið 4,4 prosent seinasta árið. 

Matvørur og rentan eru størsta orsøkin til prísvøksturin.

Prísirnir á mati eru hækkaðir góð 11 prosent.

Frá februar til mai hækkaðu prísirnir á matvørum tó 1,4 prosent. 

Men oljan er vorðin bíligari.

Prísir á olju til húsarhaldini lækkaði 13 prosent í miðal frá februar til mai. 

Prísvøksturin er nú á sama stigi, sum hann var í februar 2022, skrivar Hagstovan.