Ferðamannaskip avlýsti í evstu løtu

Fyrrapartin leygardagin stóðu tey í Runavík púra klár at taka ímóti stóra ferðamannaskipinum “Riviera”.

Skipið var á veg inn á Skálafjørðin við um 1200 ferðafólkum, umframt at manningin taldi 800.

Men skiparin helt vindin vera ov nógvan, so í evstu løtu avlýsti hann, og setti beina kós til Íslands.

Rannvá Troest er cruise-umboð hjá Runavíkar havn:

At ferðamannaskip avlýsa fyri veður, hendir av og á, men tað mest vanliga er, at avlýst verður í eitt sindur betri tíð enn leygardagin.