Kanningar: Støðan við makrelinum er óbroytt

Hóast niðurstøðan ikki er gjørd enn, bendir einki á, at stórar broytingar hava verið við makrelinum samanborið við í fjør.

Hinvegin var minni av sild at síggja. 

Í góðar tvær vikur hevur rannsóknarskipið Jákup Sverri gjørt altjóða makrelkanningar í føroyskum sjógvi og eystan fyri Ísland. Kanningarnar verða gjørdar saman við íslendingum, norðmonnum og dønum.

Eydna í Homrum

Eydna í Homrum er lívfrøðingur á Havstovuni.

Høvuðsendamálið er at fáa eitt vísital fyri, hvussu gongdin í makrelstovninum er, sum seinni í summar skal brúkast í stovnsmetingini.

Føroyski kanningarparturin er nú liðugur. Jákup Sverri var á 27 støðum og hálaði, og hann gjørdi eisini fýra svartkjaftahál.

Eydna í Homrum, lívfrøðingur á Havstovni, var við á túrinum.

Hoyr innslag í útvarpstíðindunum: