- Tíðindi, mentan og ítróttur
Sjøtul settur á arbeiðið at byggja nýggjan barnagarð á Sandi
Sjøtul settur á arbeiðið at byggja nýggjan barnagarð á Sandi
Tað grør um gangandi fót heima á Sandi, nú Sandoyartunnilin skjótt letur upp. Skjøtil verður nú sett á arbeiðið at byggja nýggjan barnagarð, samstundis sum stykkjað verður út
Áhugin fyri at seta búgv á Sandi er stórur, nú tað nærkast til undirsjóvartunnilin letur upp
Mynd: Savnsmynd
24.07.2023 - 10:34
Sands kommuna setir nú skjøtil á arbeiðið at byggja nýggjan barnagarð.
Bygdarráðið samtykti á eykabygdarráðsfundi í farnu viku at taka av einum tilboði frá J&K Petersen um byggibúning av grundøkinum til nýggja barnagarðin, og tað arbeiðið byrjar hálvan august.
- Verandi barnagarður hevur pláss fyri 60 børnum, men nýggi barnagarðurin fer at hava pláss fyri 120 børnum, sigur Heri Sverrason, borgarstjóri á Sandi.
24072013_Heri_Sverrason
Hann dylur ikki fyri, at tað er komandi undirsjóvartunnilin, ið skundar undir bæði barnagarð og ta útstykking av grundstykkjum, sum er í gongd.
Nýggi barnagarðurin liggur upp at nýggju útstykkingini í Skarðsbøi, sum ætlandi verður liðug mánaðarskifti novembur/desembur.
- Vit hava 67 fólk á bíðilista og 30 grundstykki at lata, so áhugin fyri at seta búgv á Sandi er stórur, sigur Heri Sverrason.
Hann sigur, at ætlanin er at halda fram við at útvega bústaðir, og í tí sambandi hevur kommunan ogna sær eitt stykki í Sandabrekkuni.
Er kopiera
Nýggjastu sendingar í ÚV
Nýggjastu sendingar í SV
