U19 HM: Føroyar skulu vinna á Saudiarabia

Í dag klokkan 16 verður avgerandi dysturin hjá U19-manslandsliðnum í hondbólti, um at spæla seg í fjórðingsfinaluna í HM-endaspælinum, sum er í Kroatia í hesum døgum.

U19-manslandsliðið í hondbólti, Føroyar, HM, Óli Mittún

Føroyar skulu spæla ímóti Saudiarabia, og kravið er stig, um Føroyar skulu koma í fjórðingsfinaluna. 

U19-manslandsliðið í hondbólti, Føroyar, HM, Aleksandar Lacok

Øll fýra liðini í meginumfarinum í bólkinum, sum Føroyar eru partur av, hava nevniliga tvey stig hvørt. Liðini eru Føroyar, Týskland, Saudiarabia og Iran.

U19-manslandsliðið í hondbólti, Føroyar, HM, Ísak Vendelsbø

Vunnu á týsku hondbóltsstórmaktini

Í gjár skaptu føroysku unglingarnir sensatiónina og vunnu á stóru hondbóltstjóðini Týsklandi.

U19-manslandsliðið í hondbólti, Føroyar, HM

Hýrurin var í topp millum føroysku áskoðararnar, sum eru í Kroati og stuðla U19-manslandsliðnum. 

U19-manslandsliðið í hondbólti, Føroyar, HM, Niklas Gaard

Men tað er ein fortreyt at fáa stig aftur í dag, fyri at koma víðari, men Føroyar kunnu eisini noyðast við eitt stig og harvið javnleik, tí málúrtøkan hjá Føroyum er betri enn hjá Iran og Saudi Arabia. 

U19-manslandsliðið í hondbólti, Føroyar, HM, Hjalti Mohr Jacobsen

Taktikkurin fyri dagsins uppgávu er væl øðrvísi, enn móti Svørvíki og Týsklandi, sigur Hjalti Mohr Jacobsen, høvuðsvenjari. 

Hoyr samrøðuna við høvuðsvenjaran undir ovastu myndini. 

U19-manslandsliðið í hondbólti, Føroyar, HM, Ísak Vendelsbø

Dysturin millum Føroyar og Saudiarabia kann síggjast á YouTube-rásini hjá altjóða hondbóltssambandinum, IHF, klokkan 16.