U19 HM: Enn eitt vónbrot

Tað hevur verið nærvið og næstan hjá dugnaliga føroyska U19-mansliðsliðnum í hondbólti seinastu dystirnar.

U19-manslandsliðið í hondbólti reisti seg veruliga í dag oman á stóra vónbrotið móti Egyptalandi í gjár, tá Føroyar mistu HM-hálvfinaluna á stokkinum. 

U19-manslandsliðið í hondbólti

Í Play Off-dystinum móti Portugal um rættina at spæla um fimta plássið í HM-endaspælinum, megnaði Føroyar at fáa javnleik 35-35 í vanliga dystinum. 

Óli og Ísak

Stóru stjørnurnar á liðnum, Óli Mittún og Ísak Vedelsbøl, gingu veruliga undan í dystinum.

Báðir skutu teir 10 mál hvør og fingu hálað Føroyar upp á javnleik 35-35.

U19-manslandsliðið í hondbólti, Óli Mittún

Útjavnandi málið hjá Føroyum kom, tá 40 sekund restaðu av dystinum, og var tað Óla Jákup Gaard Olsen, ið breyt ígjøgnum og setti bóltin í málið. 

Portugal fór í álop, tá tað var ein hálvur minuttur eftir av tíðini.

Men Leivur Joensen í føroyska málinum bjargaði royndini hjá Portugal, so Føroyar fingu eitt síðsta álop, tá restaðu seks sekund av leiktíðini.

U19-manslandsliðið í hondbólti

Men enn einaferð hepnaðist avgerandi avleveringin hjá Óla Mittún tíverri ikki. 

Beint til brotskøst

Í dag var eingin longd leiktíð, men farið var beint til brotskast-kappingina, sum altíð er ein happadráttur. 

Men tað gekk framúrskarandi hjá Føroyum í byrjanin av brotskast-kappingini, tí Ísak Vedelsbøl, Jákup Egholm og Óli Mittún skoraðu allir upp á síni køst.

U19-manslandsliðið í hondbólti

Og tá Alexander Lacok í málini bjargaði tvey av fyrstu trimum køstunum hjá portugisum, so hevði Føroyar tveir matchbóltar, sum mann sigur á ítróttarmáli, at avgera dystin.

Men enn einaferð mistu føroysku leikararnir á stokkinum.

Fyrst brendi Rói Hjaltason Seyer, tá hann rakti stólpan, meðan næsti portugisin skoraði.

U19-manslandsliðið í hondbólti, Niklas Gaard

Og so bjargaði portugisiski málverjin avgerandi brotskastinum hjá dugnaliga høgra vonginum Niklas Gaard, meðan portugisin skoraði. 

Nú skuldu eyka køst til. Ísak varð settur at skjóta umaftur og skoraði, og tað gjørdi Óli Mittún eisini.

Men 15 ára gamli Jákup Egholm brendi tíverri sítt næsta brotskast, meðan portugisar skoraðu upp á síni køst

Føroyar skulu nú spæla um sjeynda plássið í HM-endaspælinum. Hesin dysturin verður sunnudagin kl. 11.30 móti taparanum av dystinum millum Týskland og Noreg.

Dysturin kann stroymast á YouTube-rásini hjá altjóða hondbóltssamgonguni IHF.

U19 HM

Portugal 41 - 40 Føroyar
(17 - 19) (18 - 16) (Brotskøst: 6 - 5)

Dystargongdin
5 min. 3-4
10 min. 6-7
15 min. 10-9
20 min. 13-13
25 min. 16-16
30 min. 17-19
35 min. 20-22
40 min. 21-24
45 min. 28-26
50 min. 31-29
55 min. 32-31
60. min. 35-35

Eftir brotskastkapping 41-40

Málskjúttar hjá Føroyum (brotskastkapping ikki tald við)
Ísak Vedelsbøl 10
Óli Mittún 10 (3)
Búi Poulsen 4
Trúgvi Hávardsson 3
Rói Seyer Hjaltason 3
Óla Jákup Gaard Olsen 2
Niklas Gaard 2
Rókur Ziskason 1

Málverjar
Leivur Joensen 28%
Aleksandar Lacok 12%

Dómaraseðilin frá dystinum

Dystargongdin