Norrøna krokar enn sunnan fyri Kristiansand í Noregi

Veðrið er enn so mikið vánaligt á Danmarkarleiðini, at Norrøna krokar enn sunnan fyri Kristiansand í Noregi.

Men nú er ætlanin, at hon leggur at í Hirtshals klokkan eitt í dag danska tíð. 

Haðani fer hon so til Føroya klokkan trý ella fýra.

Har, sum Norrøna er, eru 16 m/s av útnyrðingi vestri.

Norrøna skuldi koma til Hirtshals klokkan hálvgum tíggju fyrrapartin í gjár og fara haðani til Føroya tveir tímar seinni.

770 ferðafólk eru við Norrønu.