ES reglur um dronur skulu setast í gildi í Føroyum

Reglurnar í Føroyum um at flúgva við dronu eru ótíðarhóskandi og eru ikki rættiliga sum tær, sum er galdandi aðrastaðni, sigur landsstýrið. 

Tí skulu ES reglur um dronur setast í gildi í Føroyum

Tær vera kortini lagaðar til føroysk viðurskifti.

Fyrimunurin er serliga, at reglurnar eru kendar hjá teimum, sum koma higar við dronu, eins og ES reglurnar loyva viðkomandi frávikum, til dømis um lendi og viðbrekin øki, sigur landsstýrið.

Drona telur fugl

Dagføra loftferðslulógina

Loftferðslulógin, sum er galdandi í Føroyum, skal dagførast. Hon er frá 2013.

Lógin er ikki í fullum samsvari við loftferðslulógina, sum er galdandi í Danmark.

Uppskot um dagføringina er til hoyringar til 20.august.

Ótíðarhóskandi reglur

Reglurnar í Føroyum um at flúgva við dronu eru ótíðarhóskandi og eru ikki rættiliga sum tær, sum er galdandi aðrastaðni, sigur landsstýrið. 

Reglurnar, sum vóru kunngjørdar í 2017, eru ikki settar í gildi, men vera nú settar í gildi eins og nýggju reglurnar.

Millum annað koma reglur um at flúgva við dronu, meðan fólk eru ávirkað, og hvussu fólk kunnu vera dømd at missa rættin at flúgva við dronu.