761 næmingar fara í skúla

Mikudagin fara 761 næmingar fyri fyrstu ferð í skúla. 

Tað vísa hagtøl hjá Skúlablaðnum. 

Av teimum 761 næmingunum eru 391 dreingir og 370 gentur. 

Hetta er 31 næmingar fleiri enn í fjør, tá 730 børn fóru í fyrsta flokk.

Í ár er tað í skúlanum á Skúlatrøð í Klaksvík, at flest børn fara í fyrsta flokk. Har byrja 76 næmingar mikudagin. 

Í fýra skúlum byrjar bara ein næmingur í fyrsta flokki, meðan tað í fimtan skúlum byrja færri enn 10 næmingar.