Jákup Brúsá er nýggjur aðalskrivari í Kirkjuligu Heimamissiónini

Jákup Brúsá tekur nú við sum aðalskrivari í Kirkjuligu Heimamissiónini eftir Andrias Magnussen, ið hevur verið aðalskrivari seinastu fimm árini.

Jákup Brúsa er 36 ára gamal og er útbúgvin innan samskifti og miðlar.

Seinastu nógvu árini hevur Jákup rikið sína egnu fyritøku og starvast sum ráðgevi innan talgilda marknaðarførslu og samskifti.

Harafturat hevur hann verið undirvísari á Fróðskaparsetrinum og á hægri nám á Glasi.

- Eg eri ógvuliga spentur uppá nýggja starvið og síggi stóran týdning í arbeiðinum hjá Heimamissiónini, sigur nýggi aðalskrivari m.a. við Trúðboðan.

Jákup Brúsa tekur við starvinum tann 1. september.