Fipurnet í øllum húsarhaldum um fýra ár

Tað gongur væl at fáa lagt fipurnet inn til øll húsarhald í Føroyum. 

Sum er hava umleið 6.000 av 18-20.000 viðskiftafólkunum í Føroyum fingið fipurnet lagt inn í bústaðin til internetið.

Stjórin í P/F Net, Páll H. Vesturbú, sigur, at í 2027 áttu øll húsarhald og aðrir brúkarar at hava fingið fipurnet, sum verður nógvar ferðir skjótari enn tað, sum flestu brúkarar hava í dag.