Fipur og luftborin tøkni í hvørt hús

Hvørt húsarhald í Føroyum skal hava tøkni, sum svarar til eins gott breiðband og tað, sum fæst við fipurneti.

Men tað er ikki víst, at fipur skal gravast til hvørt hús í framtíðini. Nú verður tað helst luftborin tøkni, og um fýra ár hava øll hús í Føroyum helst hesa tøknina.

Føroya Tele hevur gjørt av at seta 100 milliónir krónur í dótturfelagið P/F Net. Tað verður gjørt við 25 milliónum um árið næstu fýru árini. Hetta er fyri at tryggja gott breiðband, sigur samtaksstjórin í Føroya Tele, Kristian R. Davidsen.

Kristian R. Davidsen, Kristian Reinert Davidsen

Nógv dýrari enn mett

Verkætlanin "Fipur til heimið", sum skuldi fáa fipurnet til øll húski í Føroyum, er vorðin nógv dýrari enn mett.

Upprunaliga varð roknað við, at tað fór at kosta minni enn 20.000 krónur at fáa fipur út í hvørt húski í landinum. Men nú táttar kostnaðurin í 30.000 kr. 

Higartil eru okkurt um 270 milliónir krónur brúktar upp á verkætlanina, og umleið 10.900 fipurkaðlar eru lagdir út til húsarhald og fyritøkur. Og tá mangla nógv húski at vera bundin í skipanina.

Higartil hevur tað víst seg, at tað hevur kostað 90 milliónir meir enn væntað.

Hoyr innslag í útvarpstíðindunum: