800.000 kr. játtaðar til grønmetisframleiðslu

Løgtingið hevur játtað 800.000 krónur til at stuðla grønmetisframleiðslu í Føroyum.

Endamálið við játtanini er at økja um vitan, royndir og kunnleika, sum kunnu vera við til at menna framleiðsluna av dygdargóðum grønmeti, sum verður framleitt í Føroyum.

Stuðulin kann veitast einstaklingum, feløgum og felagsskapum.

Agurk veltan spískamarið grønmeti

Caption: 

Í rakstrarhúsinum hjá Veltuni vuksu eisini agurkir.

Lýst varð alment eftir umsóknum, og tá ið freistin var farin, vóru seks umsóknir komnar inn og søkt var um tilsamans 1.299.531 krónur

Tey sum fingu stuðul vóru:

• Biofar, sum kannar, hvussu skaðin, sum kálflugan hevur á grønmetisframleiðslu í Føroyum - í hesum føri á røtur - kann avmarkast.
• Poul A. í Homrum, sum veltir epli við bara at brúka biotøð sum føðsluevni.
• Veltan, Grøni háskúlin og Búnaðarstovan: sum søktu um stuðul at seta gartnara el. tíl, sum kann ráðgeva innan grønmetisframleiðslu, og at fáa gongd aftur á virksemið hjá Veltuni á Sandi. 
• Heri Guttesen, sum fer undir hydro-ponics-framleiðslu í einum fjósi.
• Hans Poulsen, sum fer at dyrka jarðkneysar.
• Gestur Hovgaard, Búgvi Matras Kristiansen og Teitur Árnason Dahl, sum fara at seta gongd á vinnuliga grønmetisframleiðslu við eplum og rótum í Fugloy.