Plássbílegging á Kalsoyarleiðini

Strandferðslan setir plássbíleggingarskipanina í verk á Kalsoyarleiðini

Tá ið Sam í dag fer á beding í tríggjar vikur, avloysir Erla Kongsdóttir á Kalsoyarleiðini. 

Samstundis verður plássbíleggingarskipan sett í verk á Kalsoyarleiðini.

Fastbúgvandi eiga 10 pláss

Tíggju føst pláss eru sett av á hvørjum túri til fastbúgvandi í Kalsoynni og skulu hesi eins og áður nýta borgarakortið frá Klasvíkar kommunu. 

Tað er ikki neyðugt við plássbílegging til hesi plássini.

Plássbílegging til ferðafólk við Erlu Kongsdóttir kann gerast á heimasíðuni hjá Stranferðsluni. 

Tá ið Sam um tríggjar vikur kemur aftur í sigling á Kalsoyarleiðini, verður plássbíleggingarskipanin flutt yvir á Sam. 

Tó skulu ávísar fyrireikingar og tillagingar gerast fyrst, áðrenn skipanin verður sett í verk, m.a hvørji atlit skulu takast at teimum fastbúgvandi í Kalsoynni.