Seks vilja vera stjóri í Hoyvíkar skúla

Seks umsóknir eru um skúlastjórastarvið í Hoyvíkar skúla, skrivar Skúlablaðið.

Starvið skal setast 15.september, ella so skjótt sum til ber.

Í Hoyvíkar skúla eru 349 næmingar í 1.flokki til 9.flokk.

Harumframt hevur skúlin serflokk, serliga ætlaður næmingum, sum hava autismu. 

16 næmingar eru í serflokkinum. 

Hans Jón Thomsen, sum var stjóri í nógv ár, er farin í annað starv.

Síðsta árið hevur varaskúlastjórin, Jens á Skipagøtu, røkt starvið.

Hann hevur sagt seg úr tí.