- Tíðindi, mentan og ítróttur
20 næmingar í flokkinum næsta skúlaár
20 næmingar í flokkinum næsta skúlaár
Landsstýrismaðurin fekk fyrr í ár tilmæli frá arbeiðsbólki um at fáa børn at trívast, mennast og læra í fólkaskúlanum
Landsstýrismaðurin í útbúgvingarmálum ætlar, at í mesta lagi 20 næmingar skulu vera í hvørjum flokki næsta skúlaár. (Savnsmynd: Bjarni Árting Rubeksen)
23.08.2023 - 12:54
Tá ið næmingar fara í fólkaskúla aftur eftir summarfrítíðina næsta ár, skulu ikki fleiri enn 20 næmingar vera í hvørjum skúlaflokki.
Tað ætlar Djóni Nolsøe Joensen, landsstýrismaður í barna og útbúgvingarmálum.
Landsstýrismaðurin fekk fyrr í ár tilmæli frá arbeiðsbólki, sum er um at fáa børn at trívast, mennast og læra í fólkaskúlanum.
Djóni Nolsøe Joensen, landsstýrismaður.
Støðan síðstu sjey árini hevur annars verið, at talið á næmingum, sum hava tørv á serflokki, er trífaldað, og er nú 238.
Arbeiðsbólkurin mælti til at játta meira pening til fólkaskúlan frá í summar, men enn er ikki komin stór játtan aftrat.
Næsta ár ætlar Djóni Nolsøe Joensen, at fólkaskúlin skal fáa munandi størrii játtan.
Hoyr innslag í útvarpstíðindunum:
23082023_Djoni_og_skulaflokkar
Er kopiera
Nýggjastu sendingar í ÚV
Nýggjastu sendingar í SV
