Vænta 2.700 næmingar hetta skúlaárið

Tilmeldingin hjá Tórshavnar kvøldskúla byrjar í kvøld.

Skúlin væntar at fáa 2.700 næmingar hetta skúlaárið.

Í fjør vóru 2.475 næmingar.

50 nýggjar lærugreinar

Annars hava verið fleiri næmingar undanfarin ár. Í 2020 vóru 3.064 næmingar.

258 lærugreinar á 37 undirvísingarstøðum eru hetta skúlaárið, harav 50 nýggjar. Lærararnir eru 150 í tali. 

Lærugreinarnar vóru eisini fleiri hini árini. Í fjør vóru 315 lærugreinar.

Fleiri kvinnur enn menn

Nógv fleiri kvinnur enn menn brúka kvøldskúlan í Havn, 68 prosent kvinnur og 32 prosent menn, vísa seinastu tølini.

34 prosent eru í aldursbólkinum 40 til 59 ár, meðan 19 prosent eru millum 60 og 90 ár. 

Seinasta skúlaár vóru 197 tilflytarar á skeiði í føroyskum í kvøldskúlanum.

Jógvan Sørin Hansen hevur verið skúlastjóri í Tórshavnar kvøldskúla síðani 1.september 2014.

Hoyr samrøðu við Jógvan Sørin Hansen um nýggju tilmeldingarskipanina í útvarpstíðindunum: