- Tíðindi, mentan og ítróttur
Hvussu verður avgjørt, hvør tónleikur verður spældur í útvarpinum?
Hvussu verður avgjørt, hvør tónleikur verður spældur í útvarpinum?
Í annaðkvøld, mikukvøldið 30. august, verður aðalorðaskifti um tónleikapolitikkin í KVF í Løkshøll í Runavík kl. 19
Mynd: Bjarni Árting Rubeksen
29.08.2023 - 22:00
Kringvarp Føroya er í holt við at orða nýggjan tónleikapolitikk fyri stovnin.
Í tí sambandi verður skipað fyri almennum aðalorðaskifti um tónleikapolitikk Kringvarpsins í annaðkvøld, mikukvøldið 30. august.
Aðalorðaskiftið verður í Løkshøll í Runavík, og tað byrjar klokkan 19.
Myndir: Bjarni Árting Rubeksen
Millum luttakararnar í tveimum pallborðum vera eitt nú Ivan Hentze Niclasen, stjóri í Kringvarpi Føroya, Barbara Samuelsen, leiðari á Mentanardeildini, og Eyðfinn Jensen, tónleikasamskipari.
Somuleiðis luttaka Sirið Stenberg, landsstýriskvinna í mentamálum, Rógvi Olavson, formaður í Kringvarpsstýrinum, umframt umboð fyri limafeløgini í Tónleikasambandinum og fólk, ið starvast innan tónleik í føroyum.
Orðstýrari verður Óluva Zachariassen.
Tónleikurin fyllir nógv
Í Kringvarpinum – serliga útvarpinum – er tónleikur tað, ið fyllir mest í sendiflatuni, og tí verða tónleikavalini eisini nógv umrødd millum fólk.
Í Løkshøll í annaðkvøld verður eitt nú spurt:
- Hvussu verður raðfest, tá tað snýr seg um tónleik?
- Hvussu verður avgjørt, hvat verður spælt og ikki?
SÍ: “Soleiðis verður tónleikur valdur í útvarpinum”
Í februar var uppskotið um tónleikapolitikk í Kringvarpi Føroya, sum er orðað, sent Tónleikasambandi Føroya til hoyringar.
Í hoyringssvarinum kom fram, at Tónleikasamband Føroya og umboð fyri limafeløgini vilja, at starvið sum tónleikasamskipari í Kringvarpinum skal vera eitt áramálssett fulltíðarstarv, og at starvið verður lyft upp á leiðslustig.
Hetta verður eisini umrøtt á aðalorðaskiftinum.
Tiltakið er ókeypis, og øll eru vælkomin.
Skrá
19.00 Vælkomin
19.10 Eyðfinn Jensen, tónleikasamskipari, greiðir frá tónleiki í KVF úr søguligum sjónarhorni
19.25 Upplegg hjá Knút Háberg Eysturstein
19.40 Pallborð 1 v/kjaki
20.25 Steðgur
20.45 Pallborð 2 v/kjaki
21.30 Samanumtøka
21.40 Liðugt
Er kopiera
Nýggjastu sendingar í ÚV
