Herjólfur leigaður ein mánað aftrat

Leigusáttmálin um Herjólf III er longdur, fyribils fyri septembur.

Hann skuldi annars fara úr gildi í dag.

Ætlanin er at leiga Herjólf III longur enn ein mánað afturat, men ikki ber til í fyrsta umfari at leingja leigusáttmálan meira enn ein mánað. 

Men samráðingar vera um leigu tað, sum eftir er av hesum fíggjarárinum, sigur Jóhan Petur Abrahamsen, rakstrarleiðari hjá Strandferðsluni.

Roynist væl

Herjólfur III hevur nú siglt við farmi á Suðuroyarleiðini í meira enn eitt ár.

Rakstrarleiðarin sigur, at Herjólfur III roynist væl. 

Hann lættir um hjá Smyrli, sum ongar seinkingar hevur longur. 

Herjólfur III tekur 288 ferðafólk, men ov fá brúka hann, sigur Jóhan Petur Abrahamsen. Serliga útlendsk ferðafólk brúka Herjólf.