- Tíðindi, mentan og ítróttur
Vilja hava endurgjald fyri váðaleys partabrøv
<div>Eitt mál móti Eik Banka verður í hesum døgum roynt í Føroya Rætti.</div><div><br></div><div>Tað eru Sólborg Dulavík og Poul Michelsen sum hava stevnt Eik Banka. Tey bæði mistu fleiri hundrað túsund krónur upp á eitt tilboð frá Kauphing, sum lovaði, at tað var váðaleyst at seta pening í europeisk partabrøv. Men tað var tað ikki. </div><div><br></div><div>Tey bæði hava nú stevnt Eik Banka, tí Eik Banki yvirtók henda partin av virkseminum hjá Kaupthing.</div><div><br></div><div><b>Misti uppsparingina</b></div><div><br></div><div>Sólborg Dulavík misti alla sína uppsparing, 300.000 krónur. Poul Michelsen misti 400.000 krónur. Tey bæði eru bara tvey av nógvum privatpersónum, fyritøkum og fakfeløgum, sum hava sett tíggjutals milliónir krónir í partabrøv, ið Kaupthing seldi "uttan váða" frá 2006, skrivar Dimmalætting.</div><div><br></div><div>Sambært blaðnum standa kunnu millum 80 og 90 milliónir krónur standa upp á spæl hjá Eik Banka, um bankin tapir málini í Føroya Rætti. </div><div><br></div><div>Sakarmálið hjá Sólborg Dulavík var fyri í rættinum í gjár. Í dag viðger rætturin sakarmálið, sum Poul Michelsen hevur reist.</div><div><br></div>
