Rituvíkingar hátíðarhalda, at bygdin er 150 ár

07-09-2023

Bygdin er væl fyri, og mangt bendir á, at hon framvegis er í vøkstri, sigur rituvíkingurin, Dánjal Petur Højgaard

Í ár eru liðin 150 ár liðin, síðani fyrstu niðursetuhjúnini, Per og Nicolina Højgaard, settu búgv í Rituvík. Tey vóru ávikavist 20 og 19 ára gomul.

Nógv verður gjørt burtur úr í hesum sambandi. Hátíðarhaldið hevur fingið egið búmerki, sum Sjúrður Højgaard grafiskur sniðgevi hevur gjørt.

Seinni í ár verður konsert í kirkjuni, bókaframløga og fagnaðarguðstænasta, og leygardagin taka flestu rituvíkingar lut í stórum hátíðarhaldi í bygdini.

Morgunsendingin skiftir orð við Dánjal Petur Højgaard, ið er rituvíkingur og kennir bygdasøguna væl, og Urd Johannesen, samskipara í bólkinum, sum stílar fyri mongu tiltøkunum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500